Ахметов Ш. Қазақ балалар әдебиеті тарихының очеркі

Алматы: Мектеп, 1965. — 304 б.Кітап жастардың сана-сезімін оятып, ақыл-ойын дамытуды, оларды адамгершілікке баулуды көздеген. «Мұхтар Омарханұлы Әуезовтің балаларға ұсынғаны» деген тарауда (224-230-беттер) жазушының балалар әдебиетін өркендетуге қосқан еңбегі туралы мағлұмат беріледі. Мысалы, «Ертегілер» атты зерттеуінде ғалым көптеген балалар ертегілеріне талдау жасаған. Ол балалар мұрасына қандай шығармалар жататынын айтумен қатар, «Әр жылдар ойлары» кітабында жастар мен жасөспірімдердің оқитын кітаптарын атайды. Оның «Көксерек» повесі балалардың сүйіп, қызыға оқитын шығармаларына айналды. Әуезов бұл туындыларында жас адамның өсу, жетілу жайын, соған байланысты оның мінез-құлық өзгешеліктерінің бірте-бірте қалыптасу, өзгеру жолдарын да аңғартып отырады. Қорыта айтқанда, Әуезов қазақ балалар әдебиетінің бірінші зерттеушісі болды деп түйіңдейді автор. Оқу қуралының көлемі 20,5 баспа табақ, таралымы 3400 дана.